HATAW! D'yaryo ng Bayan hatawtabloid.com
MATABIL
ni John Fontanilla
PROMISING ang young actress na si Nicole Al Amiier na isa sa host ng award winning children show, ang Talents Academy at isa sa ipakikilala sa advocacy fim na Aking Mga Anak ng DreamGo Productions sa direksiyon ni Jun Miguel.
Kuwento ni Nicole, “Napasok ako sa movie na ito because of Direk Jun (Miguel) binigyan niya ako ng opportunity. That’s why thankful ako kay Direk Jun.
“Because if it wasn’t for him hindi ako makakasama sa movie, so thank you so much direk Jun.”
Dagdag pa nito, “Ako po dito si Mary kapatid ni Esther and pamangkin ko rito sina Pauleen at Gab. Ako po rito ‘yung mabait na klase ng tita, you know everything revolves sa personality ko na relying everthing to God.”
Nakare-relate si Nicole sa kanyang role sa movie in real life.
“Kasi like Mary I also pray every night, and close ako kay God.”
At sa pagpasok niya sa showbiz ay sarili niyang kagustuhan dahil bata pa siya ay dream na niya mag-artista.
“Ako po mismo ang may gusto na pumasok sa showbiz, kasi eversince passion ko na talaga ang acting at gusto ko talagang maging artista.
“Bukod po sa acting hilig ko ang sports and music, marami akong ginagawa. Sa bahay I played six instruments and sa sports nagta-Taekwando at football ako.
“Nagho-host din ako. Parte ako ng ‘Talents Academy,’ that’s why I thank God kasi binibigyan ako ni Lord ng ganyang opportunity.
“Very grateful ako kay God na ibinibigay niya ang lahat ng ito para ma-experience ko ang nae-experience rin ng ibang teenagers.”
Idolo ni Nicole ang content creator na si Ivana Alawi gayundin sina Jeric Raval, Marco Masa, at Andres Muhlach.
“Gusto ko sila ma-meet at makatrabaho.”
Bukod sa paggawa ng pelikula ay pangarap din ni Nicole na mapasama sa teleserye at makatrabaho ang kanyang mga paboritong artista.
