HATAW! D'yaryo ng Bayan hatawtabloid.com
MATAPOS mahuling may campaign materials din ang running mate na si si Luis Campos sa isa
pang barangay hall sa Lungsod ng Makati, muling nabunyag ang paggamit ng pasilidad ng gobyerno
para sa pansariling kampanya ng mga politiko, nang matagpuan ang campaign materials ni Kid Peña, kasalukuyang longresista at tumatakbong bise alkalde, sa loob ng barangay hall ng Barangay Pio del Pilar kahapon Biyernes, 9 Mayo 2025.
Habang nagsasagawa ng house-to-house campaign sa lugar sina Senadora at kandidato sa pagka-alkalde Nancy Binay at dating Kongresista at kandidato sa pagka-bise alkalde Monsour Del Rosario, bumisita sila sa barangay hall upang bumati sa mga empleyado.
Doon tumambad sa kanila ang campaign posters at paraphernalia ni Peña na nakaimbak sa loob mismo ng
pampublikong pasilidad — isang hayagang paglabag sa COMELEC Resolution No. 11104,
Seksyon 34(b), na tahasang nagbabawal sa pag-iimbak ng mga “posters, sample ballots, o kahit anong campaign paraphernalia” sa mga barangay hall, covered court, o alinmang pag-aari ng pamahalaan.
Hindi ito ang unang pagkakataon na may kahalintulad na insidente mula sa parehong kampo.
Noong 29 Abril 2025, natuklasan din ng Binay-Del Rosario camp ang mga campaign materials
ni Luis Campos, tumatakbong alkalde at running mate ni Peña, sa loob ng barangay hall ng Barangay Pinagkaisahan.
Sa kanyang pahayag sa social media, inamin mismo ni Campos na ang mga materyales ay nasa loob ng barangay hall, nakasalansan sa mesa para kunin ng mga
residente — isang paliwanag na hindi makabubura sa katotohanang ito ay labag pa rin sa batas.
Ang magkakasunod na mga insidente ay nagpapakita ng malinaw at sistematikong pag-abuso
sa pondo at pasilidad ng gobyerno upang isulong ang pansariling interes ng mga kandidato.
Ang mga barangay hall ay dapat nananatiling neutral at hindi ginagamit bilang bodega ng mga
materyales sa kampanya.
Nanawagan ang Binay-Del Rosario team sa Commission on Elections (COMELEC) at iba pang
kinauukulang ahensiya na agad magsagawa ng masusing imbestigasyon at magpataw ng
kaukulang parusa sa mga responsable sa mga nasabing paglabag. (30)
