Arron Villaflor hangad maging boses ng mga kabataan ng Tarlac

MATABIL
ni John Fontanilla

TULOY-TULOY na ang pagpasok sa politika ni Arron Villaflor, na tumatakbo bilanh Board Member sa 2nd District ng Tarlac.

Post nito sa kanyang FB account, “Lubos na karangalan ko po ang mapabilang sa mga nagnanais maglingkod sa ating bayan. Sa aking tatahaking landas, baon ko po ang lahat ng inyong pagmamahal, dasal, suporta, at paniniwala sa aking bukal na intensyon na magsilbi sa bayan. 

“Simula pa lang po ito ng aking adhikaing maging instrumento ng pagbabago at progresong dama ng bawat Tarlaqueno. Hangad ko pong maging boses ng kabataan sa Sangguniang Panlungsod at tagapagtaguyod ng kapakanan ng mga nangangailangan.

“Ako po si ARRON VILLAFLOR, kasama ng aking mga kapartido sa Partido Federal ng Pilipinas (PFP) sa pamumuno ng susunod na kinatawan ng segundo distrito Cong Cristy, Gov Max Roxas, Mayor Vic Angeles  at VM KT Angeles, tayo po ay MagKaisa Bawat Oras Sama Sama!”

Ang makapagbigay-serbisyo at tulong ang unang layunin ni Arron kaya pinasok na rin nito ang politika.