HATAW! D'yaryo ng Bayan hatawtabloid.com
MATABIL
ni John Fontanilla
TULOY na tuloy ang pagpasok sa showbiz ang isa sa Queen ng Tiktok, si Buraot Kween.
Mula nga sa pagiging hit sa social media sa kanyang pambuburaot na content na mabentang-mabenta sa mga manonood ay naging sunod-sunod na rin ang kanyang TV and movie projects.
At ngayon nga ay kasama ito sa advocacy film na Ako si Kindness na pinagbibidahan ng baguhang si Marianne Bermundo kasama sina William Thio, Rubi Rubi sa direksiyon ni Crisaldo Pablo
Kuwento ni Buraot Kween ukol sa kanyang role, “Ako si Liwanag, isang transwoman na nangibang bansa kasi nakipagsapalaran doon. Pero bumalik sa Pilipinas kasi na- broken hearted.
Dagdag pa nito, “May naiwan siyang aso na si Heka na mahal na mahal niya ‘yun ‘yung baby niya. Nakare-relate ako roon kasi marami rin akong aso.”
Hindi na baguhan sa pag-arte si Buraot Kween dahil may mga nagawa na siyang pelikula.
“Hindi na rin ako baguhan sa pag-arte kasi nabigyan na rin ako ng role sa mga short film. Pero ‘yung isa sa malaking nagampanan ko ‘yung sa pelikulang ‘All About Her’ directed by Joel Lamangan.
“Tapos katatapos ko rin ng isa pang pelikula kay direk Joel din. Hindi ko alam if puwede nang sabihin pero ‘yung mga kasama ko rito sina Eric Quizon, Arnell Ignacio.”
At sa pagpasok nga nito sa mundo ng showbiz ay pangarap niyang makatrabaho sina Nora Aunor, Sharon Cuneta, Maricel Soriano, at Vilma Santos.
“Pangarap ko silang makatrabo kahit simpleng role lang okey na sa akin ‘yun basta kasama ko sila.”
Bukod sa apat, gusto rin nitong makatrabaho sina Marian Rivera, Dennis Trillo, Jennylyn Mercado, atVice Ganda.
“Si Dennis Trillo dahil napakahusay niyang actor at crush na crush ko siya, guwapong- guwapo ako sa kanya.
“Nakita ko na siya sa mga event, pero hindi pa ako nagkakaroon ng chance na makausap siya.
“Siyempre gusto ko rin makatrabaho si Jennylyn napagaling na actress and nasubaybayan ko rin ang journey niya, simula nang sumali siya sa ‘Starstruck’ hangang sa naging popular actress siya.
“And lastly si Meme Vice (Ganda). Actually marami ang nagsasabi na may resemblance kami at natutuwa ako kasi ‘di ko ini-expect na kilala rin ako ni Meme Vice. Kasi noong umatend ako ng premiere night ng movie niya na ‘And The Bread Winner Is’ nilapitan ko siya kasi magko-content ako mambuburaot ako sa kanya. Tapos sinabi niya na ‘Oh my gosh ikaw si Buraot sa Tiktok.’ So natulala ako ng ilang segundo kasi ‘di ko talaga ini-expect na kilala niya ako.”
Sa magandang nangyayari sa career ni Buraot Kween, wish nito na sana’y magsunod-sunod ang magagandang proyekto na dumating sa kanya.
At kahit nag-aartista na ay ‘di pa rin niya iiwan ang pagco-content at patuloy pa rin siyang mambuburaot ng mga pangkaraniwang tao at mga artista.
