Chad  ipinagtanggol si MC matapos sabihang tamad, walang pangarap

MATABIL
ni John Fontanilla

TO the rescue ang comedian at vlogger na si Chad Kinis para ipagtanggol ang kanyang kaibigan at co-Beks Battalion na si It’s Showtime host, si MC Calaquian pagtapos laitin ng publiko.

Sa kanyang Facebook ibinahagi ni Chad ang isang screenshot ng comment ng nagngangalang Xen Haymark na ikinompara ito kay Lassy na mas ‘di hamak daw na mas maganda ang buhay kompara kay MC na wala raw pangarap.

“Mas bet ko si Lassy… kahit sinasabihan na chaka, ‘wag ka, dami naipundar, kesa kay MC na tamad at walang pangarap… sa vlog wala maipakita si MC kasi walang pangarap.” 

At ‘di naibigan ni Chad ang komento na ito ng netizen.

“‘Di porke walang ipinakikita sa vlog eh walang naipundar,” anito “Baka magulat ka kung sino pinakamayaman sa aming tatlo.”

Dagdag pa nito, “BOSS namin si MC sa Vice Comedy Club… Isa siya sa nagpapasuweldo sa amin. 

“Masipag si Lassy at deserve niya lahat ng mayroon siya, pero MALAKING TULONG SI MC sa kung ano man ang napundar ni Lassy. 

“Kung wala kang alam, try mo mag-research,” dagdag pa. “Ayos lang naman na may bet ka sa amin, pero ‘di ibig sabihin may karapatan ka na sabihan ang iba na walang pangarap at tamad. 

“Mahal ko ang dalawang ‘yan. Kaya OO, PAPATOL AKO! Lalo na sa mga epal na ganito!” pagtatanggol ni Chad sa kaibigan.