Indie actor Ralph Dela Paz malaking pasalamat kay Coco

MATABIL
ni John Fontanilla

ISA sa bagong pasok sa FPJ’s Batang Quiapo ang indie actor na si Ralph Dela Paz.

Gagampanan nito ang role ni In̈igo na bestfriend ng character ng aktor na si Albie Casin̈o.

Dream come true kay Ralph ang mapabilang sa cast ng FPJ’s Batang Quiapo at makatrabaho ang isa sa iniidolo niyang aktor, si Coco Martin, lead actor at direktor ng action series.

Kaya naman nagpapasalamat si Ralph unang-una sa Diyos sa panibagong blessing na ibinigay sa kanya at  kay Coco sa pagkakataong maging parte ng Batang Quiapo.

“Una sa lahat nagpapasalamat po ako sa Diyos sa blessing na ibinigay niya sa akin. At siyempre kay Direk Coco sa opportunity na ibinigay niya na makasama ako sa ‘Batang Quiapo’ bilang best friend ni Albie Casiño.”

Dagdag pa nito, “Noon pa lang idol ko na talaga si Direk Coco dahil parehas kaming nag-umpisa sa indie Film. Isang karangalan po ang mapabilang sa ‘Batang Quiapo.’

“Sobrang bilib  ako sa husay na aktor at direktor ni Coco, na sobrang bait at generous sa mga nakakatrabaho niyang aktor.”

Bukod sa pag-arte negosiyante rin si Ralph, na siyang CEO and President ng SHIOMURA (Fried Noodles and Siomai) at makakasama rin siya sa pelikulang Arapaap kasama ang Viva artist na si Elia Ilano gayundin sina Sabrina M, Jethro Ramirez, Jeff Luna atbp. sirected by Romm Burlat.