Alden walang balak sumabak sa politika

MATABIL
ni John Fontanilla

KALIWA’T kanan ang alok sa  Asia’s Multimedia Star at Kapuso prime actor na si  Alden Richards na pasukin na rin ang politika.

Dahil sa sobrang kasikatan, naniniwala ang mga kumukumbinsi na mananalo ang aktor kapag sumabak sa politika.

Pero mukhang wala pa sa isip ni Alden ang pasukin ang magulo at masalimuot na mundo ng politics, kaya naman maayos at may respeto nitong tinatanggihan ang mga 

nag-aalok sa kanya.

Tsika ni Alden sa isang panayam, “Lagi ko pong sinasabi even though there’s a lot of clamor for me running for politics, I can help people without being part of the government.”

Dagdag pa ng Box Office King, “It’s not because ayaw ko siya dahil mayroon akong mga hindi maganda about the system. It’s not about that.”

at kahit nga wala sa politika ay nagagawang tumulong ni Alden sa pamamagitan ng kanyang AR Foundation.

“The platform that I have right now is more than enough to reach out to people who are in need.”

Gusto tumulong ni Alden sa industriya, kaya naman wish niyang dumami pa ang proyekto ng kanyang production company na Myriad Entertainment para mas marami pa siyang matulungang tao sa showbiz industry.