HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
PANALONG-PANALO talaga sa puso ng Pinoy ang Walang Matigas na Pulis sa Matinik na Misis dahil wagi ito bilang Best Mini Series sa 38th PMPC Star Awards for Television noong Linggo, Marso 23, sa Dolphy Theater.
Kaya naman walang pagsidlan ng tuwa ang action star-lawmaker Senator Ramon Bong Revilla, Jr., na gumaganap bilang si TOLOMEEEE! sa panibagong karangalang iginawad sa kanilang serye.
“Grabe! Sobrang nakatataba ng puso! Mula umpisa hanggang dulo, ibinuhos namin ang lahat para mabigyan kayo ng isang palabas na hindi lang puno ng aksyon at tawanan, kundi aral at lalim din.
“Nagpapasalamat kami sa PMPC sa pagkilalang ito, sa aming production team, at higit sa lahat, sa mga manonood na walang sawang sumuporta,” anang mambabatas.
Kahit tapos na ang Season 3 ng show, hindi pa rin kumukupas ang kasikatan nito. Pinag-usapan ito dahil sa kakaibang timpla ng aksyon, tawanan, at kurot sa puso.
Kasama ni Senador Bong sa tagumpay na ito sina Beauty Gonzalez, Niño Muhlach, Dennis Padilla, at iba pang mahuhusay na artista.
Usap-usapan ngayon kung magkakaroon ba ng Season 4 ang Walang Matigas na Pulis sa Matinik na Misis!”
Hindi pa ito kinukompirma ni Senador Bong, pero marami na ang nag-aabang – babalik kaya si Tolome sa telebisyon?
Abangan!
