HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAKAHUNTAHAN namin recently ang magandang sexy star na si Robb Guinto at nalaman namin sa kanya na kaliwa’t kanan ang projects niya ngayon, both sa pelikula at telebisyon.
Kuwento niya sa amin, “For now, I have new project para sa VMX, katatapos lang po i-shoot ang movie na ang title ay “Ligaw”.
“Ang role ko po sa Ligaw ay si Dolores… ang casts po ay sina Ali Asistio, JC Tan, and Rash Flores.
“Actually, ito po yata ang halos solo movie ko, kaya very thankful ako to Mavex for trusting me to do this project po and to direk Omar Deroca.”
Bukod sa pelikula, sunod-sunod din ang natotoka sa kanyang TV projects.
Sambit ni Robb, “Now po, isa po ako sa bagong cast ng Batang Riles. Ako po rito si Honey, ang love interest ni Kulot (Kokoy de Santos) and also new cast din po ako ng Pepito Manaloto, ako po rito si Vanessa. Ako po ang bagong receptionist ng bar ni Elsa.
“Nagge-guesting din po ako sa different shows ng GMA-7 like Tbats, Tictoclock, Your Honor and Bubble Gang, abangan po nila ako sa mga episodes nito.”
Pahabol ni Robb, “Add ko rin po pala Tito, itong Amazing Earth at All Out Sunday din po pala (naging guest ako).”
Ipinahayag din ni Robb ang kagalakan dahil hindi lang bilang sexy actress siya napapansin ngayon, kundi pati na rin sa iba’t ibang TV shows.
Aniya, “Nakatutuwa na ma-appreciate iyong ginagawa ko. Masaya rin akong makapag-share ng insights at experiences sa mas maraming tao.
“Medyo nakapapanibago po, pero thankful ako sa mga opportunities na dumarating sa akin, lalo na sa tiwala na ibinibigay sa akin. And of course, ang super thankful ako sa aking Viva family.”
Nabanggit din ng aktres na talent ni Lito de Guzman na nag-e-enjoy siya ngayon sa takbo ng kanyang showbiz career.
“Yes po, sobrang saya ko po sa nangyayari sa aking showbiz career at masasabi ko na this is my year. Kaya sa lahat po nang dumarating sa akin ngayong blessings, ayaw ko po itong sayangin,” masayang wika pa ng aktres.
Nagbunga na nga ang kasipagan at pagiging focus sa career ni Robb, kaya naman dumarating sa kanya ngayon ang maraming biyaya.
At ayaw palagpasin ng aktres ang pagkakataong ibinibigay sa kanya, upang makatawid sa ibang genre at maipakita na hindi lang sa pagpapa-sexy sa pelikula ang kaya niyang gawin.
Pero ang tanong, titigil na kaya si Robb sa paggawa ng mga sexy project sa VMX app?
