Salum, Champ Green big winner sa Puregold CinePanalo 2025   

NANGUNA sa full-length category ang pelikulang Hiligaynon, ang Salum na idinirehe ni  TM Malonesat ang Mindanaoan short film na Champ Green sa katatapos na Puregold CinePanalo Film Festival na isinagawa sa The Elements, Eton Centris sa Quezon City.

Naiuwi ng Salum ang apat na Puregold CinePanalo trophies tulad ng Panalong Pelikula, Panalo sa Production Design, Panalo sa Sound Design, at Panalo sa Musical Scoring kasama ang cash prize na PhP250,000. Nakatanggap naman ang Champ Green ng PhP100,000 cash prize at nakapag-uwi ng limang tropeo sa student shorts category tulad ng Panalong Maikling Pelikula, Panalong Pangalawang Aktor para kay Sol Eugenio, Panalo sa Kwento, Panalo sa Brand Intrusion, at Mowelfund Special Citation.

Nag-uwi rin ang Champ Green ng film equipment tulad ng Black Mist ⅛, Dream Filter,  Blue Lightstreak Filter mula sa MFP Rentals and Kase Philippines; Nanlite FC 60B with Merch from MQ Group and Nanlite Philippines; at Hollyland Lark C1 Wireless Microphone mula Sieztech Enterprize at Hollyland Tech Philippines. Nagwagi rin ang naturang pelikula ng extra PHP25,000 sa pagwawagi bilang Panalo sa Brand Intrusion, gayundin ang short film na G!. Sa full-length film naman, ang Journeyman ang nagwagi sa kategoryang ito gayundin ang Checkmate at Taympers na nag-tie bilang Pinakapanalong Promosyon ng Pelikula. Bawat sponsor ay nagbigay sa Champ Green ng equipment na susuporta sa development ng young Filipino filmmakers tulad ng Champ Green director, Clyde Cuizon Gamale.

Sa full-length category, isa pa ring Hiligaynon film, ang Tigkiliwi ang nakapag-uwi ng pitong tropeo kasama ang Panalong Karangalan Mula sa Hurado at Panalo sa Kwento para sa kanilang writer-director na si Tara Illenberger. Nakuha rin ng pelikulang ito ang   acting award categories tulad ng Panalong Aktres para kay Ruby Ruiz at Panalong Pangalawang Aktor para kay Jeffrey Jiruma.  

Nakuha naman ni Khalil Ramos ang Panalong Aktor para sa Olden’s Day movie ka-tie si JP Larroderna gumanap bilang Tata sa Tigkiliwi. Tie rin sa Panalo sa Cinematography category na nakuha kapwa ng Olsen’s Day at Journeyman. Itinanghal namang Panalong Direktor si JP Habac para sa pelikulang Olsen’s Day.

Anim na tropeo ang naiuwi ng Journeyman ng magkapatid na Christian Paolo at Dominic Lat ito ang Panalo Sa International Jury, Panalo sa Cinematography (tie ng Olsen’s Day), Panalo sa Film Poster, MTRCB Special Award para sa Responsableng Paglikha, Panalo sa Brand Intrusion, at Puregold Always Panalo Film na nakuha rin ng  romantic-comedy film na Fleeting ni Catsi Catalan.

Limang award naman ang naiuwi ng  student short film na Uwian na idinirehe ng  Panalong Direktor winner Vhan Marco Molacruz ng Colegio de San Juan de Letran. Ito ay ang Panalong Direktor, Panalo sa Musical Scoring, Panalo sa Production Design, Panalong Aktres para kay Geraldine Villamil, at Panalong Pangalawang Aktres para kay Uzziel Delamide.

Ang iba pang binigyang pagkilala sa student shorts category ay ang pelikula ni Sean Rafael Verdejodramedy, ang Dela Cruz, Juan P.,  tulad ng Panalong Karangalan Mula sa Hurado; gayundin ang Ira Corinne Esguerra’s coming-of-age sibling story na SamPie, na kinilala bilang Puregold Always Panalo Film award.

Bawat pelikulang nakasama sa CinePanalo ay binusisi ng mga kilala at iginagalang na hurado tulad nina Festival Director Christopher Cahilig, Festival Chair Ivy Hayagan-Piedad, at Republic Creative Creations, Inc. representative Sonny Bautista, na isa-isang inupuan, kinilatis ang mga student short at full-length movie. Kasama nila sa students shorts panel ang mga director na sina Emmanuel Dela Cruz at Victor Villanueva gayundin ang film critic na si Lito Zulueta. Ang mga full-length jury panel ay kinabibilangan namna nina Cahilig, Hayagan-Piedad, at Bautista, gayundin nina direk Jeffrey Jeturianat Mae Cruz-Alviar, writer/producer Moira Lang, at Estonian filmmaker Tiina Lokk, at festival director ng Tallinn Black Nights Film Festival.

Dinagdagan ngayong taon ang ipinamahaging grant para sa CinePanalo entries. ito ay umabot sa PHP3,000,000 grants para sa full-length entries at P150,000 grants sa student shorts. Sinuportahan din ang festival ng ​​Terminal Six Post, CMB Film Services Inc., Gateway Cineplex 18, MFP Rentals, MTRCB,  at ng Mowelfund Film Institute.

“The Puregold CinePanalo Film Festival will always be fueled by a deep love for the art of cinema, and an even deeper ambition to show what Philippine talent and passion has to offer,” ani chair Ivy. “With the CinePanalo having reached a successful second edition, the possibilities are now endless. We can’t wait for all the wonderful films yet to grace the Puregold CinePanalo in all the years to come.”

Mapapanood pa rin ang mga pelikulang Salum, Champ Green, at ang iba pang full-length at student short films na kalahok sa Puregold CinePanalo Film Festival 2025 sa Gateway Cineplex 18, Cubao, Quezon City hanggang March 25. Ang regular ticket ay nagkakahalaga ng P250 samantalang P200 naman sa mga student, PWD, senior, Tindahan ni Aling Puring, at Perks Card members.  

Narito ang listahan ng mga nagwagi  sa CinePanalo:

Pinakapanalong Pelikula

Full-Length: Salum (TM Malones)

Student Shorts: Champ Green (Clyde Cuizon Gamale)

Puregold Always Panalo Film

Full-Length: Journeyman (Christian Paolo Lat & Dominic Lat), Fleeting (Catsi Catalan)

Student Shorts: Sampie, (Ira Corinne Esquerra Malit)

Panalong Direktor

Full-Length: JP Habac, Olsen’s Day

Student Shorts: Vhan Marco B. Molacruz, Uwian

Panalong Aktres

Full-Length: Ruby Ruiz as Nay Pansay, Tigkiliwi

Student Shorts: Geraldine Villamil as Remy, Uwian

Panalong Aktor

Full-Length:

Khalil Ramos as Olsen, Olsen’s Day

JP Larroder as Tata, Tigkiliwi

Student Shorts: 

Lucas Martin as Sam, SamPie

Jasper John as Juan Dela Cruz, Dela Cruz, Juan P.

Panalong Karangalan Mula sa Mga Hurado

Full-Length: Tigkiliwi (Tara Illenberger)

Student Shorts: Dela Cruz, Juan P. (Sean Rafael A. Verdejo)

Panalo Sa Mga Manonood

Full-Length: Co-Love (Jill Singson Urdaneta)

Student Shorts: Sisenta! (Mae Malaya)

Panalong Pangalawang Aktres

Full-Length: Gabby Padilla as Marlin, Tigkiliwi

Student Shorts: Uzziel Delamide as Imang, Uwian

Panalong Pangalawang Aktor

Full-Length: Jeffrey Jiruma as Pol, Tigkiliwi

Student Shorts: Sol Eugenio as Tekbong, Champ Green

Panalong Ensemble

Full-Length: Tigkiliwi (Tara Illenberger)

Student Shorts: Sine-Sine (Roniño Dolim)

Panalong Kwento

Full-Length: Tara Illenberger, Tigkiliwi

Student Shorts: Clyde Cuizon Gamale, Champ Green

Panalo sa Cinematography

Full-Length: 

Dominic Lat, Journeyman

Kara Moreno, Olsen’s Day

Student Shorts: Lance Lascano, Dan, En Pointe

Panalo sa Production Design

Full-Length: Kyle Fermindoza, Salum

Student Shorts: Andrea Jayne Perang, Uwian

Panalo sa Musical Scoring

Full-Length: Armor Rapista, Salum

Student Shorts: Len Calvo, Uwian

Panalo sa Editing

Full-Length: Vanessa Ubas de Leon, Co-Love

Student Shorts: Jose Andy Sales, G!

Panalo sa Sound Design

Full-Length: Fatima Nerikka Salim and Immanuel Verona, Salum

Student Shorts: Elian Idioma, Dela Cruz, Juan P.

Panalong Awitin

Full-Length: “DI KO PINILI” by Kiko Salazar, performed by Chie, Co-Love

Student Shorts: “Suga, Camera, Saad” by Jonathan Rey Sartorio and Lloyd Martin Villacortes Arce, performed by Jonathan Rey “ROTT” Sartorio, Sine-Sine

Panalo sa Brand Intrusion

Full-Length: Journeyman (555 Sardines and Lucky Me!)

Student Shorts: Champ Green (Bear Brand), G! (Chuckie)

Panalo sa Film Poster

Full-Length: Journeyman by Christian Paolo Lat and Dominic Lat

Student Shorts: Checkmate by Alexie Nicole Pardo

Pinakapanalong Promosyon ng Pelikula

Student Shorts:

Checkmate by Alexie Nicole Pardo

Taympers by Naiah Nicole Mendoza

Responsableng Paglikha

Full-Length: Journeyman

Student Shorts:

1. Dan, En Pointe by Adelbert Abrigonda

2. Sine-Sine by Roniño Dolim

3. 1… 2… Strike!!! by Kenneth Flores

Mowelfund Special Citation

Full-Length: Olsen’s Day

Student Shorts: Champ Green

Panalo sa International Jury

Journeyman by Christian Paolo Lat and Dominic Lat