Ex VP Leni bilib kay Nadine 

MATABIL
ni John Fontanilla

“NAPAKABUTING tao ni Nadine. Ang mga paniniwala niya, matuwid. Kahit Itinuturing siyang ‘celebrity,’ may husay.” Ito ang naging pahayag ni dating  bise presidente ng Pilipinas na si Leni Robredo, kaugnay sa pagsuporta ni Nadine Lustre sa kandidatura nila ni Leila De Lima.

Nakiisa ang award winning actress sa community walk ng first nominee ng Mamamayang Liberal Partylist na si De Lima at Robredo sa Naga, Camarines Sur nitong Sabado, March 15.

Dagdag pa nito “Ngayong si Leila naman ang napaaban, mahusay pa rin ang pagtulong.”

Noong 2022 elections ay ikinampanya rin ni Nadine si Robredo nang tumakbo ito sa pagka-pangulo ng Pilipinas at ngayon nga ay tumatakbo itong Mayor ng Naga.

Ineendoso ni Nadine ang nasabing partido sa 2025 midterm elections na kasama rin sa mga nominado ang mga dating mambabatas na sina Teddy Baguilat Jr. at Erin Tañada.