HATAW! D'yaryo ng Bayan hatawtabloid.com
MATABIL
ni John Fontanilla
HINDI priority ng tinaguriang The Lord of Scents na si Joel Cruz ang magkaroon ng lovelife dahil masaya na siya sa piling ng kanyang walong anak.
Kuwento nito, “Parang mahirap na magkaroon ako ng lovelife. I have eight kids, dapat mahalin at tanggapin niya ‘yung mga anak ko at hindi lang ako.
“Busy din ako sa mga business ko. So roon pa lang ubos na ‘yung oras ko. Pero minsan nami-miss ko rin na magka-lovelife, pero kapag naisip ko mga anak ko, sabi ko ok na ‘yung mga anak ko na lang ‘yung lovelife ko.
“Pero handa naman akong maghintay. Malay natin may dumating na para sa akin, biglang magka-lovelife na lang ako ha ha ha. Basta kung darating siya salamat, pero if hindi pa okey lang naman.
“At ngayon nga ay busy kami sa 25th anniversary ng Aficionado. Mayroon kaming ‘Aficionado Bangong Milyonaryo’ raffle promo na magbibigay kami ng P25-M worth of cash and prizes.
“’Yun ay pasasalamat namin sa mga loyal buyer ng aming produkto. May chance silang manalo ng Iphone 16 pro max, E bike, kotse, P25k cash atbp..
“Madali lang sumali. Kunin lang nila ‘yung sticker ng aficionado products worth P270. Ilagay sa puting sobre at isulat ang pangalan, address, phone number at signature at ihulog sa dropboxes located sa mga Aficionado store sa malls, supermarkets atbp.,” pahayag pa ni Joel.
At ngayong taon ay may mga bagong negosyong bubuksan si Mr Joel, kaya naman mas malabo na ngang mabigyang oras nito ang pagkakaroon ng lovelife.
