Sofronio Vasquez sa kanyang lovelife — Kung sino man ang nagpapasaya sa akin, I am just happy

SHOWBIZ KONEK
ni Maricris Valdez Nicasio

MALAKI ang pasasalamat ni The Voice US Season 26 champion, Sofronio Vasquez sa pagpirma niya ng exclusive contract noong Martes sa Star Magic. Kasama sa pirmahan sina ABS-CBN Chief Operating Officer Cory Vidanes, TV Production at Star Magic Head Laurenti Dyogi, at Head ng Polaris si Reily Santiago.

“I’m just super blessed to be given this opportunity,” unang sambit ni Sof sa contract signing na ginawa sa Studio 2 ng ABS-CBN.

“I always say this has been my dream to be recognized and now given the recognition, I’m sitting with the bosses of ABS-CBN and kanina nga sa rehearsals, pwede naman sa cafeteria lang kami magpirmahan,” dagdag pa ni Sof.  

“Sobra po akong nagagalak sa pag-welcome sa akin. Since this has been the dream of everyone. Most of the dreamers out there ay nawawalan ng pag-asa, you just keep going. The dream itself really fought for me, with the music in my heart. It’s my passion really. 

 “Hindi ko po sasayangin ‘yung pagkakataon,” giit pa ni Sof.

Samantala, natawa si Sofronio nang uriratin ang tungkol sa kanyang lovelife.

“Kung ‘yung lovelife ang pag-uusapan, sobrang blessed na ako kasi I am just happy now,” panimula nito.

At saka sinabing mas gusto niyang huwag mag-open up ukol dito dahil ano naman ang sabihin niya, may magkokomento pa rin ng hindi maganda.

“Whether sabihin ko sa inyo kung may jowa ako, hindi kayo maniniwala, sabihin kong wala akong jowa, hindi kayo maniniwala. So, I just want to say na I am happy right now,” tsika pa ni Sofronio.

“Kung sino man ang nagpapasaya sa akin, I am just happy!” giit pa ng Star Magic artist.

Ibinahagi rin ni Sof ang natanggap niyang offer mula sa UK production ng hit musical na Miss Saigon. 

“I am so excited to share this to everyone na I am offered sa ‘Miss Saigon’ sa UK but I have to figure it out kasi mukhang masikip na talaga iyong dates.

“Isa sa mga nagbukas na pangarap sa akin is to be in a musical kasi maganda rin siya,” sabi pa ni Sof na ang role na inialok sa kanya ay si Thuy. 

“I  am offered a role. I think it’s an Asian, Vietnamese na role. I think it’s Thuy. May nagca-cast sa akin. Nagbigay na sila ng dates. Technically, parang kakanta na lang ako roon. Sana magawan ng paraan.

“If ever naman kung hindi, I am just blessed na kumbaga may chance pala and I will not close doors sa musical play.

“First time ko siya i-share sa lahat. It’s really true and I am super blessed kaso lang with the line of shows that I have, it’s going to be hectic talaga.

“I’ve already asked one artist an nakapag-try doon, Mr. Mark Bautista, kung paano roon,” sabi pa.