Jillian Ward ayaw pang magka-BF

MATABIL
ni John Fontanilla

SA ganda ng itinatakbo ng showbiz career ni Jillian Ward, ayaw pa nitong magkaroon ng karelasyon.

Sa ngayon ay mas gusto nitong bigyan ng oras at atensyon ang kanyang career more than love dahil sayang naman ang tiwala at magagandang proyektong ibinigay sa kanya ng home studio kung mas magpo-focus siya sa pag-ibig.

Sa edad na 20 ay nasa tamang edad na si Jillian para magka-boyfriend, pero  hindi naman ito nagmamadali na magkaroon ng karelasyon. May tamang oras para rito aniya, pero hindi ngayon lalo’t papaganda nang papaganda ang kanyang career.

Sa ngayon ay nagpapasalamat si Jillian sa magandang pagtanggap ng netizens sa bago niyang proyekto sa GMA 7, ang My Ilonggo Girl katambal ang guwapo at mahusay umarte na si Michael Sager na pataas nang pataas ang ratings.

Kaya nga dapat tutukan at walang bibitiw dahil mas marami pang mangyayaring kapana-panabik na eksena sa mga susunod na episodes ng My Ilonggo Girl.