HATAW! D'yaryo ng Bayan hatawtabloid.com
MATABIL
ni John Fontanilla
BONGGA ang first quarter ng 2025 ng Kapamilya actor na si JC Alcantara sa dami ng proyektong ginagawa.
Isa na rito ang first Filipino vertical serye sa First Piso Serye platform sa Pilipinas, ang Saving Sarah ng Breetzee Play.
Tsika ni JC nang makausap namin sa dinner party ng Artist Lounge Multi Media, Inc. kamakailan, “Maganda ang pasok sa akin ng 2025 Tito John dahil kasama ako sa
‘Saving Sarah’ under Beetzee Play, ang First Filipino vertical serye on the First Piso Serye platform in the Philippines.
“This February 14 na po siya mag-start. I’m with Yuki Takahashi, ‘yung asawa ni David sa ‘Batang Quiapo.’”
Bukod sa Saving Sarah ay kasama rin ito sa pelikulang P 77 kasama sina Barbie Forteza, Euwenn Mikael, Gina Paren̈o, Rosanna Roces, Jackie Lou Blanco atbp.. Sa direksiyon ni Derick Cabrido.
Habang ang takbo ng kanyang kauna-unahang negosyo, ang samgyupsal house sa Bongabon, Nueva Ecija ang Thornes Samgyupsal House.
At sana nga raw ay magtuloy-tuloy ang dating ng magagandang projects sa kanya ngayong taon at magkaroon pa ng maraming branches sa iba’t ibang lugar sa Pilipinas ang samgyupsal business.
