Para Kay B mapapanood na sa teatro 

SHOWBIZ KONEK
ni Maricris Valdez Nicasio

TIYAK na marami ang mae-excite dahil mapapanood na sa teatro ang isa sa pinaka-mabentang nobela ni National Artists of the Philippines for Film and Broadcast Arts, Ricky Lee, ang Para Kay B. Ihahandog ito ng LA Production House at Fire & Ice Live, na mapapanood simula March 14 to 30, 2025, sa Doreen Black Box Theater, Ateneo de Manila University.

“Fire & Ice Live is about creating experiences and amplifying stories of the unseen, and Para Kay B embodies that-it’s a raw, witty, and unfiltered exploration of love’s unpredictability, the heartbreaks we endure, and the rare but magical exceptions to the rule. 

“Being part of this production, both as an actress and as a producer, feels like coming home to a story that has touched so many hearts. Playing Ester is deeply personal, as it mirrors my own journey of discovering love beyond expectations,” ani Liza Diño, CEO ng Fire & Ice Live at aktres sa dula na gaganap bilang Ester.

Hinango ito para sa teatro ng kinikilalang si Eljay Castro Deldoc, na tatlong beses na nagwagi ng unang premyo sa Carlos Palanca Memorial Awards, kasama ng nagbabalik sa pagdidirehe na si Yong Tapang, Jr. na nanguna sa 2019 na pelikulang, Doon Sa Isang Sulok, ang Para Kay B ay nag-explore sa mga komplikadong pag-ibig sa pamamagitan ng magkakaugnay na buhay nina Lucas, Bessie, Irene, at Sandra.

“People need to see Para Kay B because it speaks to a lot of generations. It is a literary masterpiece that served as a roadmap to a generation looking for love, loss, moral, and social issues. Love letter din namin ito sa mga manunulat at sa artists na patuloy naghahanap ng mga wento,” ani Tapang kung bakit kailangang mapanood ng netizens ang play na ito. 

Ang adaptation na ito ay nakatakdang maghatid ng isang emosyonal na tagpo at visual na nakahihimok na karanasan, na nananatiling tapat sa kakayahan ng nobela habang nagdaragdag ng isang bagong pananaw sa teatro.

Mapapanood ang Para kay B sa March 14 – 7:00p.m.; March 15 & 16 – 2:30 p.m. / 7:00 p.m.; March 21 – 7:00 p.m.; March 22 & 23 – 2:30 p.m. / 7:00 p.m.; March 28 – 7:00 p.m.; March 29 & 30 – 2:30 PM / 7:00 p.m.. Mabibili ang tiket sa Ticket2Me sa www.ticket2me.net.

Ngayon pa lang ay magpa-reserve o bumili na kayo ng tiket dahil tiyak na matutuwa kayo sa panooring ito, na may partnership sa Tungo at Liwanag sa Teatro Inc.  

Sa powerful narrative, stellar creative team, at sa mga talented ensemble cast, tinitiyak na hindi ninyo makalilimutan ang theaterical experience na ito ng Para Kay B Kaya don’t miss the chance na mapanood ang play na ito.