Hori7on kabi-kabila ang guesting, maglalabas ng mga bagong kanta

MATABIL
ni John Fontanilla

GOOD news para sa anchors ang tawag sa very supportive fans ng sikat na Global Pop Group na Hori7on dahil medyo magtatagal sa Pilipinas ang grupong nakabase sa South Korea.

Ayon nga kina Vinci,  Reyster, Keysler, Kim, Winzton, Marcus minus Jeromy na may sakit at nagpapagaling pa nang bumisita ang mga ito sa number one FM radio station sa bansa, Barangay LSFM 97. 1 sa programa ni Papa Obet, ang Sikat, na magtatagal sila sa Pilipinas ngayong 2025 para mas makasama ang kanilang fans dahil na rin sa dami ng shows at guestings na kanilang gagawin.

Noong Janunary 26 ay nasa Iloilo ang grupo para sa Dinagyang Festival at sa March 29 ay may concert sila sa Smart  Araneta Coliseum, ang I AM K-POP. Abangan din ang kanilang ilalabas na mga bagong kanta ngayong taon.