One Year In Thailand ni Dennis naka-1.7 million 

MATABIL
ni John Fontanilla

PATOK na patok sa netizens ang bagong video sa kanyang Tiktok account sa MMFF 2024 Best Actor na si Dennis Trillo.

Umabot na nga sa 1.7 million ang views ng One Year in Thailand transformation meme nito sa TikTok at lalo pang tumataas at may caption ito ng, “Sorry guys, sabi kasi ng asawa ko gawin ko daw ito.”

Sa kanyang One Day in Thailand ay boy na boy pa ang datingan ni Dennis at sa kanyang unang linggo ay lalaki pa rin ang kanyang itsura sa suot na shorts at polo at medyo tunog Thailander ang kanyang pagsasalita.

Pero sa One Month in Thailand ay naka- short at pink na polo na nakatali sa beywang ang suot ni Dennis.

At sa kanyang One Year in Thailand ay nakasuot ito ng black top, floral shorts, at pink wig na trans ang dating at boses Thailander ang pagsasalita.