Vic Sotto ‘di apektado pagkalat ng viral video

I-FLEX
ni Jun Nardo

MASAYANG episode ang handog ng Eat Bulaga sa unang Sabado ng noontime show.

Maraming napasaya at nabiyayaan sa New Year blessings ng EB sa pamumuno nina Tito, Vic and Joey.

Lahat ng Dabarkads ay in their usual self na parang walang nadamang holiday fatigue after ng Christmas at New Year.

Sa episode na tampok ang bagong segment na The Clones, masayang-masaya ang TVJ dahil after ilang episodes, nakarinig sila ng contestant na boses Tom Jones, huh!

Sa The Clones, may mga bagong discoveries na soon ay puwedeng maging bahagi ng programa o ‘di kaya, maging future star comedians na mabibigyan ng break ni Allan K sa kanyang comedy bar na Clowns Republic.

Eh may nagiging viral man na video na nabanggit ang name ni Vic, hindi naman nakitaan ng pag-aalala si Vic at he was in his usual element lalo na’t matagumpay ang pagbabalik-filmfest niya sa The Kingdom.