HATAW! D'yaryo ng Bayan hatawtabloid.com
MATABIL
ni John Fontanilla
INTERESTING ang mga pahayag ng Kapuso aktres na si Jillian Ward sa muling pagbisita nito sa Fast Talk with Boy Abunda sa kanyang mga plano ngayong 2025.
Tsika ng My Ilonggo Girl lead staR, “Gusto ko po na mas i-push pa ‘yung sarili ko po.
“But also, gusto ko rin po na mas magkaroon pa po ng work-life balance talaga.
“At mas ma-manage at ma-balance ko po ‘yung work at personal life ko.”
Gusto rin nitong makagawa ng roles na mas magbibigay pa ng inspirasyon sa mga manonood katulad ng Abot Kamay ang Pangarap.
Sana nga ay mabigyan siya ng mga proyektong makabuluhan at challenging roles na hahasa sa kanyang pag-arte.
Gusto rin nitong maging sentro na ng buhay niya ang Panginoong Diyos. Minsan na rin kasi siyang nag-aalinlangan dito pati na rin sa kanyang sarili na at the end ay na-realize niya na mali.
“Sabi ko parang mali po ‘yun. So this year, gusto ko talaga mawala ‘yung doubts ko.
“Gusto ko ring mawala ‘yung fears ko, kasi alam ko na he’s protecting me and guiding me.
“Pero by the end of it po, natutunan ko ‘yung kung ano talaga ‘yung purpose ng ginagawa ko kasi ang dami po talaga palang nai-inspire.
“My story po ako, nagte-taping po ako ng ‘My Ilongga Girl’ tapos I was doubting myself, ‘Ano po bang purpose ng ginagawa ko?’”
Pero nabago ang lahat nang may isang fan na nagbigay sa kanya ng Bible verse.
“May nagbigay po sa akin ng Bible verse, sinasabi niya, ‘Trust God, He has plans for you,” pagtatapos ni Jillian.
