HATAW! D'yaryo ng Bayan hatawtabloid.com
MATABIL
ni John Fontanilla
MATALINO, mapagmahal, may puso. Ito ang paglalarawan ni Senador Bong Revilla sa isang matinik na misis.
Sa Walang Matigas na Pulis sa Matinik na Misis Season 3 mediacon, sinabi rin ni Sen Bong na kanyang asawang si Lani Mercado ang matinik na misis.
Aniya, “Ang matinik na misis sa akin ay iyong matalino, mapagmahal, may puso, at sensitive sa lahat ng mga ginagawa ko.
“Iyon ang isang matinik na misis para sa akin. Si Lani iyon ‘di ba?”
Wala rin itong nakikitang mali sa mga lalaking takot sa kanilang misis dahil nagpapakita lang ‘yun ng respeto at pagmamahal.
“Alam mo iyong ganoon, katulad ko, ‘pag mahal mo ang asawa mo, gagawin mo ang lahat para mapaligaya siya.
“Iyon lang ‘pag selosa, ‘di ba? Katulad naman ni Tolome, eh kasigaw-sigaw na Tolome iyon dahil medyo pilyo. Sa akin, it’s happy wife, happy life,” pagbabahagi ni Sen Bong.
Nagpapasalamat ang Tinatanic Star dahil masuwerte at maganda ang kanyang 2024 sa dami rin ng blessings na natanggap.
“Sobrang full of blessings ang taong 2024 para sa akin. May anak ako na naging doctor, may naging abogado. Naging lolo muli sa ikawalong pagkakataon and gumaling ang tuhod ko,” sabi pa.
Pero hindi itinago ni aktor/politiko na sobrang na-miss niya ang paggawa ng pelikula para sa taunang Metro Manila Film Festival.
“Sobrang nami-miss ko ang MMFF lalo na ngayon na 50th year nila. Kaso nga ‘di na tayo aabot kung gagawa tayo ng ‘Alyas Pogi.’
“Pero nakita n’yo naman sa scenes ko rito sa ‘Walang Matigas na Pulis’ after gumaling ng achilles tendon ko, nakakatalon na ako, nakakatakbo na.
“Binigyan na ako ng doktor ng go signal, I can do anything,” pagbabahagi pa ng senador.
Ang Walang Matigas na Pulis sa Matinik na Misis Season 3 ay mapapanood simula Disyembre 22, 7:15 p.m. sa GMA 7. Mula sa direksiyon nina Enzo Williams at Rechie del Carmen, kasama rin sa cast sina Beauty Gonzalez, Leo Martinez, Jillian Ward, Faith Da Silva, Gloria Diaz, Jay Manalo, Joko Diaz, Sid Lucero, Ryan Eigennman, Carmi Martin, Jestoni Alarcon, Liezel Lopez, Nino Muhlach, Dennis Padilla, Maey Bautista, Raphael Landicho atbp..
