Nadine pinasalamatan, ibinahagi kay Chris pagwawagi ng Best Actress sa 39th Star Awards

MATABIL
ni John Fontanilla

ISANG malakas na hiyawan at marami ang kinilig nang pasalamatan ni Nadine Lustre ang boyfriend na si Christophe Bariou nang manalo bilang Best Actress sa PMPC 39th Star Awards for Movies na ginanap noong November 24 sa Winford Resort and Casino Manila.

Pinasalamatan din ni Nadine ang kanyang pamilya, Viva Films, Direk Mikhael Red, mga tagahanga at PMPC.

“It’s so nice to see everyone come together para suportahan ang pelikulang Filipino.

“PMPC maraming-maraming salamat po for this award and it is so good to be back on this stage.

“Gusto ko pong pasalamatan si direk Mik (Mikhael Red), direk thank you very much for allowing me to collaborate with you in bringing my character in ‘Deleter’ na si Lyra into life, Viva Films and my Viva family thank you po for the opportunities that you’ve given me.

“To all my supporters maraming salamat po for all the love that you’vegiven me.

“To my team and my family thank  you for always having my back.

“And to my boyfriend Chris who’s in the audience thank you for always pushing me when I’m down in the dumbs.

“To everyone maraming salamat po, itong award na ito I dedicate this sa lahat ng bumubuo ng ‘Deleter’ sa Evolves Studio and Viva Studio, Viva Films.

“At sa lahat po ng sumuporta at tumangkilik ng ‘Deleter,’ maraming-maraming salamat po. Again PMPC thank you so much at mabuhay ang pelikulang Filipino, Salamat Po!,” speech ni Nadine matapos tanggapin ang tropeobilang Best Actress.

At ngayon, isa sa aabangan kay Nadine ang pagganap bilang si Nicole sa entry ng Mentorque Productions at Project 8 sa 2024 MMFF, ang Uninvited with Vilma Santos and Aga Muhlach.