Direk may kakaibang modus kapalit ang pagpi-finance ng kanyang movie

ni Ed de Leon

Kaya pala ipinipilit ni direk ang isang male starlet na ipakilala niya sa isang kaibigan niyang mayamang bading. Iyon pala talaga ang modus niya. Kaya pala panay ang recruit niya ng mga baguhang isinasama niya sa gay indies na ginagawa niya, kasi ang mga iyon naman ay ipinakikilala niya sa mga mayayamang bading, na kalaunan ay kukunin niyang financier ng kanyang mga pelikula.

Kaya pala naman walang tigil ang kanyang mga project kahit na hindi kumikita, kasi nga may mga bading siyang financier na ok lang malugi basta makilala naman nila ang mga baguhang artistang lalaki. Nang pumalag ang male starlet kay direk, hindi na siya kumibo.

Pero paano naman papatol sa kanya ang male starlet eh ‘di nawala si high government official na bading na nagbigay sa kanya ng isang sportscar at isang townhouse.