HATAW! D'yaryo ng Bayan hatawtabloid.com
HATAWAN
ni Ed de Leon
PUMANAW ang soloista ng AEGIS band na si Mercy Sunot sa edad na 48 lamang at ang dahilan ay lung cancer. Iyang cancer ay traydor na sakit naman talaga iyan, kaya basta may cancer ka na magpakabait ka na dahil hindi mo alam kung hanggang kailan ka na lang. Iyan ding mga may sakit sa lung, ibinibigay na sa kanila kung ano man ang gusto nila, dahil bihira na ang tumatagal pa basta nadale na ang baga mo. Kaya nga iyong mga madalas humingal, laging napapagod, aba eh magpakatino na kayo dahil kung hahaba pa ang buhay ninyo, suwerte na iyan, Itigil na ninyo ang bisyo ninyo.
Tingnan ninyo si Mercy, may makapagsasabi bang sa edad na 48 ay babawian na siya ng buhay? Cancer iyan eh. Walang nakatitiyak sa sakit na cancer.
