Payo ni Xian kay Ai Ai may halong panunudyo

HATAWAN
ni Ed de Leon

MAY halong panunudyo pa rin ang payo ng blogger na si Xian Gaza kay Ai Ai delas Alas. Kasabay ng pagsasabi niyon na ang paniwala niya ay may nabuntis nang iba ang asawang si Gerald Sibayan. Kaya sinabi pa niyang hintayin na lang ang balita ng pagsilang ng anak ng kanyang asawa sa susunod na  taon.

Pinayuhan din niya si Ai Ai na huwag nang ma-in love sa isang mas batang lalaki, dahil tiyak na peperahan lang siya niyon at iiwan din pagdating ng araw. 

Ang payo pa ng blogger, “tikim-tikim ka na lang, huwag nang makipag-relasyon lalo na sa mga bata pa dahil ang gusto lang ng mga iyon  ay pera, sayang ang panahon mo at ang pagmamahal na ibibigay mo sa kanila.” 

Para bang sinabing, “kung may pangangailangan ka, pumick up ka na lang at magbayad, tapos wala ka pang sakit ng ulo. Huwag nang ma-in love ulit.”

Kung sa bagay may punto siya, ganyan din naman ang nangyari sa unang naging dalawang asawa ni Ai Ai, binugbog pa siya. Mabuti nga si Gerald at hindi naman siya sinaktan physically.