Friday , April 4 2025
Karla Estrada Kathniel Daniel Padilla Kathryn Bernardo

Karla Estrada may ibubunyag ukol sa KathNiel

HATAWAN
ni Ed de Leon

WALA namang sinabi si  kung ano ang ilalabas niyang revelations tungkol sa KathNiel na sinabi niyang ilalahad pagkatapos ng pelikula ni Kathryn Bernardo

Maaaring kontrobersiyal iyon kaya ayaw muna niyang sabihin dahil kahit na anong controversy, basta pinag-usapan ng masa ay makatutulong pa sa pelikula ni Kathryn. Maaari rin namang sabihin na gusto niyang siraan si Kathryn at hindi iyon maganda para sa sitwasyon niya. Si Daniel Padilla ay nananatiling may kontrata sa ABS-CBN at dahil sila ang main producer ng pelikula ni Kathryn, basta naapektuihan iyon ng kung ano mang sasabihin niya ay makapaglalagay sa kanila sa masamang sitwasyon.

Hindi naman maikakailang ang participation ng GMA sa pelikulang iyon ay minimal lamang, siguro iyon lang pagpayag nilang maging leading man si Alden at siguro nga ay sumosyo kahit na paano sa puhunan ng pelikula. Pero ang rersponsibilidad sa produksiyon, ang mga taong gumawa ng pelikula at lahat ng mga bagay na may kinalaman doon pati ang kanilang promo ay hawak ng ABS-CBN. Kaya basta may kung anumang laban doon tiyak na ang ABS-CBN ang mas masasaktan.

Pero kung may masabi man si Karla at kung totoong may masasabi nga siya, hindi kami magtataka kung ilabas niya iyon ngayon. Hindi naman maikakaila na ang tagumpay ng pelikula ni Kathryn na kasama si Alden ay iniisip nilang si Daniel sana kung hindi nagkaroon ng problema. Hindi nga ba’t sinasabi ni Daniel na iyong Hello Love Goodbye ay una namang inialok sa kanya, dangan nga lamang at nagkasundo sila ni Kathryn pagkatapos ng The Hows of US na hindi muna sila magsasama bilang love team para masubukan naman nila ang iba. Maling diskarte iyon para kay Daniel, kasi nga kumita ang pelikulang iyon nang mas higit kaysa alinmang pelikula nila ni Kathryn, kaya may naniwala na mas malakas ang tambalan nina Kathryn at Alden.

Ito namang  bagong pelikula, talagang hindi na sa kanya iyan, dahil ginawa iyan noong split na sila ni Kathryn. Bukod doon, talagang ipinorma na nila si Alden at pinalabas ngang nanliligaw kay Kathryn bilang paghahanda sa pelikula. Pero iyon man ay maling diskarte. Dahil sa aminin man nila o hindi, ang karamihan pa rin ng fans ni Alden ay kasama sa AlDub. Kaya ngayon ok lang iyan pero saan ninyo pupulutin si Alden pagkatapos ng pelikula at ng promo nila? Magpapatuloy ba ng panliligaw si Alden kay Kathryn pagkatapos ng pelikula nila? At paano sa oras na magsimula naman siya ng isang seryeng katambal si Sanya Lopez?  

Sa totoo lang,  interesado rin kaming malaman kung ano ang sasabihin ni Karla.

About Ed de Leon

Check Also

Laziz Rustamov Amy Austria Fake Love Tadhana

Int’l model na si Laziz Rustamov napa-inlab si Amy

NAPAKA-SUWERTE naman nitong international model at dating PBB Season 10 Housemate, si Laziz Rustamov dahil nakatrabaho at nakapareha niya …

Willard Cheng

Willard Cheng sasabak sa Agenda ng Bilyonaryo News Channel 

SHOWBIZ KONEKni Maricris Valdez MAKAKASAMA na nina Korina Sanchez-Roxas at Pinky Webb ang batikang mamamahayag na si Willard Cheng sa paghahatid …

Chavit Singson Beyond the Call of Duty

JC pinalitan ni Martin; Manong Chavit kompiyansa sa Beyond the Call of Duty  

SHOWBIZ KONEKni Maricris Valdez PINALITAN na ni Martin del Rosario si JC de Vera na isa sa magbibida sana …

Kiko Estrada Lumuhod Ka Sa Lupa

Kiko Estrada isinalba ng Lumuhod Ka Sa Lupa

SHOWBIZ KONEKni Maricris Valdez SOBRA-SOBRA ang papasalamat ni Kiko Estrada na dumating ang proyektong Lumuhod Ka Sa Lupa na …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …