HATAW! D'yaryo ng Bayan hatawtabloid.com
HATAWAN
ni Ed de Leon
UY pumasok pala sa ABS-CBN si Robbie Jaworski, anak nina Dudot Jaworski at Mikee Cojuangco na mukhang matinee idol talaga.
Ewam namin kung anong build-up ang gagawin sa kanya ng ABS-CBN, mahirap mo kasing masabi dahil wala naman silang prangkisa at aminado silang nalulugi ng P2-B taon-taon. Kasi para maipalabas ang mga ginagawa nilang content kailangan silang magbayad ng blocktime sa ibang estasyon. Iyon ngang All TV akala namin collab na nila, hindi pa rin pala, blocktime rin. Dahil ang prangkisa ay hindi maaaring ipagbili, ipagamit sa iba sa anumang paraan.
Maliban nga lang kung blocktimer iyon at nasa network pa rin ang control, kung hindi huwag ninyong sabihing may dalawang senador na Villar at may isang congresswoman pa. Basta may violation sila maaaring sila rin mawalan ng prangkisa.
Kung ibi-build up nila si Robbie bilang matinee idol, makakalaban iyon ni Andres Muhlach na siya namang sinusugalan ng TV5. May nagsasabing lamang naman daw si Andres, pero hindi ka nakasisigruo, depende iyan sa kung paanong bibigyan ng build up si Robbie.
Pero ang nakatutuwa ay ang match nina Andres at Robbie. Si Aga na tatay ni Andres ay naging syota noong araw ni Mikee. Si Dudut naman na tatay ni Robbie naging syota rin ni Charlene. TIngnan mo nga naman ang buhay ano.
Pero iyang pasok ni Robbie, masasagasaan ang ibang matinee idols na baguhan ng ABS-CBN.
Makakasabay kaya si Donny Pangilinan na bumagsak na ang pelikula laban kay Robbie na walang dudang suportado ng fans ng nanay at tatay niya at maging ng fans ng lolo niyang si Big J?
Malakas na puwersa iyan. At huwag silang aato-ato, lolo rin niyan si Peping Cojuangco. Magbagal-bagal sila, kayang mag-produce ng lolo niyan. Hindi ba noong araw nakipag-collab na ang lolo niya sa Viva at sa GMA dahil sa nanay niya. Imposible bang magawa iyon para sa apo?
