Tom ibinuking ang anak na lalaki sa drawing

HATAWAN
ni Ed de Leon

MAY nai-post lamang isang drawing ng isang baby boy si Tom Rodriguez at pumutak na agad ang mga marites: Inaamin na raw ba ni Tom na siya ay may anak na isang batang lalaki?

Ano ba naman iyan. drawing lang eh kung ano-ano na agad ang naisip ng mga tao. Ni wala pa ngang nababalitang naging syota si Tom matapos makipaghiwalay sa asawa ng ilang buwan lang na si Carla Abellana, tapos ngayon ang tsismis may anak na?

Hindi pa kasi masyadong nagiging visible ulit si Tom simula noong magbalik, pero may mga usapan nang mukhang may gagawin siyang isang serye at isang pelikula. Si Tom naman ay tipong pang-leading man talaga at sa ngayon kulang na kulang nga tayo ng leading men. Ang lagi na lang nasa isip ay sina Gabby Concepcion, Christopher de Leon , Piolo Pascual, at Aga Muhlach. Si Richard Gomez naagaw na ng politika totally. Kailangang kailangan talaga natin  ng kalibre ng isang leading man, at kaya iyon ni Tom.