Luke happy sa success ng 90’s Rewind US Tour

MATABIL
ni John Fontanilla

MASAYANG-MASAYA si Luke Mejares sa tagumpay ng ng Luke Mejares 90’s Rewind US Tour  na sold outs at nag-uumapaw sa dami ng tao ang nanood sa lahat ng lugar na kanyang pinagtanghalan.

Mula Sept 15 sa Glendale Los Angeles, Sept 28-Bakersfield California, Sept 29-Houston Texas, Oct 4-Dallas Texas, Oct 6-Las Vegas Nevada, Oct 11-Sacramento, California, Oct 12-Las Vegas Nevada, at Oct 19 sa Chicago Illinois.

Ayong kay Luke, “Sobrang nakakataba ng puso kasi 1st SOLO US tour ko po. Kumbaga ako ‘yung headliner or “bida2x” ”

Dagdag pa nito, “Kung dati-rati special guest lang ako or may ka back to back, pero this time solo ko na, kaya sobrang nakatutuwa.

“Kaya nga nagpapasalamat ako sa mga kababayan nating nasa Amerika na nanood ng show ko, maraming-maraming salamat talaga! Hanggang  sa uulitin.”

Kakauwi nga lang sa bansa ni Luke at ang mga naiwan at paparating na shows at TV guesting ang kanyang aasikasuhin.