HATAW! D'yaryo ng Bayan hatawtabloid.com
MATABIL
ni John Fontanilla
MARIING itinanggi ni Bianca Umali ang bali-balitang nagli-live in na sila ng kanyang boyfriend na si Ruru Madrid.
Sa guesting nito sa Fast Talk ni Kuya Boy Abunda, klinaro ni Bianca ang katotohanan sa malisyosong tsismis.
“Klaruhin natin…Hindi pa po kami kasal. At definitely, hindi po kami magsasama ng hindi kami kasal,” ani Bianca.
Pero very honest naman nitong sinabi na sa pitong taon nilang relasyon ay napag-uusapan na rin nila ang tungkol sa kasal.
“Kami po ni Ruru ay, of course, we are on our 7th-year-of-the-relationship. Of course, our conversations are there.
“Pero sa ngayon, mina-maximize po namin ang aming individual careers. At, oo, madali lang pong sabihin na handa na kaming magpakasal. Because in our hearts, we are really ready,” anang dalaga.
Pahabol pa ni Bianca na malabong mangyari na mag-live-in sila dahil labag ito sa mga aral ng Iglesia ni Cristo na kapwa sila miyembro. Magsasama lang daw sila sa iisang bubong kapag kiinasal na sila.
Sa ngayon ay prioridad nila ang kani-kanilang career.
