HATAW! D'yaryo ng Bayan hatawtabloid.com
HATAWAN
ni Ed de Leon
EWAN kung totoo ha, baka sabihin na naman ng GMA nagkakalat kami ng fake news. Pero may balita na inalis na raw si Archie Alemania sa ginagawa nilang serye matapos ireklamo ni Rita Daniela ng pambabastos sa kanya.
Marami ang nagtatanong, bakit ang bilis ng desisyon nila laban kay Alemania, samantalang hanggang ngayon ay wala pa silang inilalabas na resula sa imbestigasyon nila sa kanilang mga independent contractors na sina Jojo Nones at Dode Cruz?
Si Alemania ay tanggal agad. Dahil iyon ang hiningi ni Rita. Ang lakas naman pala ng apo ni Teroy de Guzman. Si Sandro Muhlach, nagtatanong kung kailan nila ilalabas ang resulta ng kanilang imbestigasyon sa kaso niya, pero naka-pending pa rin sa GMA. Sa TV5 inalis din agad ang tauhan nilang si Cliff Ginco matapos sampahan ng reklamo ng isang baguhang contractual employee ng TV5 ng sexual harssment din.
Bago pa ang mga imbestigasyon, ipinatawag ni GMA Vice President Annette Gozon ang kampo ni Sandro at ang dalawang contractors sa bahay niya para sa isang reconciliation meeting. Hindi nga lang pumayag si Nino at gusto niya ay managot sa batas ang humalay sa kanyang anak. Kaya tinaggihan niya pati ang alok ng dalawa na mag-donate ng pera sa alin mang charitable institution na ituturo ni Nino. Na itinanggi nina Nones at Cruz sa Senado maliban sa inamin ni Anette sa isang sionumpaang affidavit na kaharap siya at nagkaroon ng ganoong offer. Kaya binawi naman ni Nones na nagsabing gusto lang din daw nilang makatulong sa iba pero hindi iyon areglo.
Hindi ba naniniwala ang GMA na maaari ring ma-rape ang lalaki? O may malakas bang impluwensiya ang abogado ng dalawang baklang independent contractors sa GMA kaya mabilis ang aksyon?
O malakas sa kanila ang impluwensiya ng mga bakla dahil wala rin silang inilalabas na ano man sa reklamo ni Gerald Santos at Enzo Almario? Tahimik din sila noon sa naging reklamo ni Mike Tan laban sa isang baklang direktor. Hindi iyan pagkakalat ng fake news ha, naiisip lang namin ang sitwasyon.
