Tony umiinom para mag-relax ‘di para malasing

HATAWAN
ni Ed de Leon

HINDI pinapansin ni Tony Labrusca ang mga tsismis na nakikita siyang umiinom sa isang bar.

“Alam naman nila na ang iniinom ko lang talaga wine, hindi naman iyon liquor. Sa akin pang-relax lang iyon, hindi naman  para maglasing,” sabi ng aktor.

Naging issue na kasi talaga kay Tony iyong basta nalasing siya nahahalo sa gulo. Kaya nga kung umiinom man siya nagyon, alalay lang at narooon ang lahat ng pag-iingat. Lalo na nga sa panahong ito, mahirap ang malasing lalo na sa labas, dahil ngayon pati lalaki nare-rape na rin. At huwag ninyong sabihin na kung makikita nilang lasing si Tony walang magnanasang halayin siya. Iyon ang mas mahirap. Hindi lang din naman minsan kaming nakarinig ng kuwento tungkol sa isang lalaking hinalay nang malasing sa isang watering hole sa Makati at Taguig. 

Kalat din ang nangyari sa isang male model na nang malasing sa isang watering hole, tinangay ng isang grupo ng mga bakla, hinayaan lang naman ng mga nakakita dahil sa akalang tutulungan, iyon pala dinala na nila sa kung saan at hinalay. Tapos ibinalik siya sa kotse niya sa parking ng watering hole. Nang magising siya at saka na lang niya nalaman na nilaspag pala siya. Pero sino ang irereklamo niya, lahat naman ng tanungin niya ay walang nakakakilala sa mga tumangay sa kanya. 

Kaya iyan ang leksiyon. Hindi dahil lalaki ka ay ligtas na kayo sa mga ganyang bagay, sa dami ng mga bakla ngayon, delikado na ang mga pogi. Kung iyon ngang hindi pogi nahahagip pa rin eh.

Iyon namang kay Tony, ok lang iyon basta talaga hindi sosobra.