HATAW! D'yaryo ng Bayan hatawtabloid.com
ni Ed de Leon
INAMIN ni male starlet na totoong nanonood siya ng isang BL series, pero ang crush daw niya roon ay hindi iyong mga bida na duda siya sa gender, kundi isang supporting actor sa seryeng iyon. Pogi nga ang supporting actor na assistant director din daw, pero iyon pala ay syota na ni direk.
Itong si male starlet kilala rin naman ni direk dahil naging artista niya ito sa isang nauna niyang BL series.Pero noon ay hindi pa niya nadi-discover ang poging aktor na assistant director din niya ngayon. Pero hindi na makapapasok diyan ang male starlet. ‘Yong poging supporting actor na type niya at kung kanino siya naunahan ni direk, kulukadidang din pala ng isa sa mga bida sa nasabing BL series.Iyong pogi ring bida, madatung daw iyon dahil kulukadidang naman ng isang gay politician.
At siyempre nababahaginan ng datung niya ang poging supporting actor kaya sumasama rin sa kanya sa dates. Na alam naman ninyo kung ano rin ang kasunod. Eh paano nga makasisingit ang male starlet eh wala naman siyang datung? Isa pa, matanda na rin siya, mukha lamang bata.
