Mark McMahon balik ‘Pinas

HATAWAN
ni Ed de Leon

NAGBALIK na pala si Mark McMahon, matagal din siyang nawala at walang balita sa kanya. Ngayon lang siya lumitaw na muli sa social media at nasa Siargao siyang muli. Roon naman siya naninirahan talaga.

Isang kilalang modelo at artista si Mark. Naging kontrobersiyal siya noong araw nang may lumabas ding scandal niya sa internet. Hindi naman niya inamin na siya iyon, pero isa iyon sa mga scandal na hindi maikakaila dahil maliwanag ang video. Ibig sabihin, maaaring siya rin ang gumawa niyon talaga, nag-leak nga lang kaya kumalat nang husto.

Hindi naman naapektuhan ang kanyang career dahil sexy naman ang image niya talaga. Tapos kasabay ng pagpasok ng mga bagong star, at dahil nga sa nangyaring nawalan ng prangkisa ang ABS-CBN at nagtalunang lahat sa GMA ang mga artista nila, lumiit ang mundo ng mga ibang artista kabilang na nga si Mark. Kaya siguro nagbakasyon muna siya at nasundan pa iyon ng pandemic, wala talagang trabaho sa showbusiness. Mabuti naman naisipan niyang bumalik, may potential pa naman siya bilang isang aktor.