HATAW! D'yaryo ng Bayan hatawtabloid.com
MATABIL
ni John Fontanilla
TAONG 2021 pa pala ay sinabi na ni Congressman Sam SV Verzosa na ibibenta niya ang mga expensive car for a good cause.
At bilang pagtupad sa pangako, ngayong 2024 ay tuluyan nang ibinenta ni Cong. SV ang kanyang mga mamahaling sasakyan kasama ang mga pinaka-paborito at ang sasakyang ini-request ng kanyang yumaong tatay, para ipagpagawa ng dialysis at diagnostic center sa Sampaloc, Manila.
Umabot ng P200-M ang halaga na nakuha sa pagbebenta ng mga expensive car ni Cong. SV na ipagpapagawa ng diagnostic Center sa Sampaloc, ang lugar na kanyang kinalakihan.
Ayon kay Cong. SV, “‘Yung mari-raise natin more than P200-M na puwede makapagpatayo ng Diagnostic and Dialysis Centers. Actually, mayroon na tayong mga mobile clinic, ‘yung mga mobile clinic na ito mayroong x ray machines, ultrasound, ecg na umiikot na ito sa iba’t ibang lugar sa Maynila, para magbigay ng serbisyo.
“So hindi naman ito ‘yung una. Ginawa na po namin na pandagdag lang ito, kasi nga laging hinihiling sa atin ibinubulong ng mga kababayan natin pampa-ospital, pampa-check up, pambili ng gamot.
“Mayroon din kaming mobile botika na araw-araw umiikot na nagbibigay ng libreng gamot, maintenance medicine para sa lahat ng mga kababayan natin.
“So nagdaragdag lang, siyempre po kailangan natin ng pondo kasi ‘yung mga ginagamit ko galing sa sariling bulsa, ipinambili ko ng SV mobile clinic, ipinambili natin ng mga mobile botika. So, lahat po ‘yan eh itinutulong lang natin at daragdagan at daragdagan lang natin para sa ating mga kababayan.”
Ang mga doctor nga na tumutulong kay Cong. SV ay pro bono habang ang iba naman ay maliit lang ang bayad na hinihingi sa kanya.
“Ayon ‘yung mga doctor may volunteers, may binabayaran siyempre may mga pamilya rin ‘yan. Hndi naman puwedeng pro bono o libre ‘yan. So kaunti lang hindi naman sila naniningil ng malaki.”
At kung papalarin nga si Cong. SV na mahalal na Mayor ng Manila ay palalagyan niya ng dialysis at diagnostic centers ang buong kalakhang Maynila.
Itataas din nito ang allowance na makukuha ng mga Senior Citizen sa Maynila mula P500 to P2,000 at marami pa itong magagandang proyektong makikinabang ang lahat ng mga kababayan sa Manila.
