Atty. Chico patataasin level ng stand up comedy

I-FLEX
ni Jun Nardo

GUSTONG pataasin ang level ng stand up comedy ni Atty. Edward Chico ngayong isang  ganap na Ka-Viva bilang bahagi ng  Viva Artist Agency.

Regular performer si Atty. Edward sa Viva Café at Grayhound Cafe sa Makati. Nakita ni Boss Vic del Rosario ang galing niya sa comedy kaya pinapirma siya sa VAA.

Nakagawa ng sold out shows si Atty. Chico dahil sa unqiue brand of thinking comedy at member siya ng comedy cartel pioneer of stand point of view stand up comedy sa bansa.

Co-founder din si Atty. Chico ng Insanithink, comedy group na kilala sa kakaibang tatak ng comedy sa ‘Pinas.

Pagdating sa pagiging abogado, host siya sa radio program na Tanggol Karapatan na umeere sa Radyo Veritas; professor; bar lecturer; at consultants sa ibang ibang sangay ng gobyerno.