Paolo walang bumati sa 3 mga anak noong Father’s Day

HATAWAN
ni Ed de Leon

ANG tanungan noong isang araw, binati kaya ng kanyang mga anak si Paolo Contis noong Father’s Day? 

Palagay namin ay hindi. Ang binati nina Xonia at Xalene na anak niya kay Lian Paz ay si John Cabahugna siyang nagpalaki sa kanila at inari silang parang tunay na anak. 

Iyon namang si Summer na anak niya kay LJ Reyes tiyak na ang kinikilalang tatay ay iyong asawa niyon ngayon. At hindi naman halos nakilala na ni Summer na napakaliit pa nang iwan  ni Paolo.

Ano kaya ang iniisip ni Paolo na may tatlong anak pero ni isa walang nakabati sa kanya noong Father’s day? Tapos hiwalay na rin sila ni Yen Santos na mabuti at hindi niya naanakan.