HATAW! D'yaryo ng Bayan hatawtabloid.com
HATAWAN
ni Ed de Leon
EWAN kung paanong natatagalan ng mga kasama niya sa show si Vice Ganda. Nang ipagtanggol siya ni Ogie Alcasid, ang singer ang binalingan ng netizens at sinabihang “ikaw mismo binabastos, hindi mo ba alam iyon?”
Ang totoo nag-react na nga si Karylle at maging si Regine Velasquez sa ginagawa ni Vice. Pero ano ang aasahan mo, galing iyan sa comedy bar at ganoon ang biruan doon. Parang mga biruan sa inuman.
Kahit naman sina Jhong Hilario at Vhong Navarro kung pagsalitaan ni Vice eh, pero inuunawa na lang nila kasi nga sanay sa comedy bars.
Kung ang makakasama niyang artista kagaya nima Mang Dolphy at FPJ tapos bibiruin niya ng ganoon, ewan kung hindi siya sungangain ng mga supporter niyon. Iyon nga lang kasi ang lahat ng kasama niya riyan ay lumalabas na support lang sa show niya, na siya ang bida kaya nalait-lait niya.
Siguro nagtitiis na lang sila kaysa naman sa wala silang show. Pero kung iisipin mo talaga si Ogie na hindi lang comedian kundi ideal man pa noon ng GMA 7, tapos ganyan lang ang kababagsakan sa It’s Showtime, masakit iyon.
Kung sa bagay, ‘di ba sinasabi rin noon ni Vice na, “wala kayong pag-asang sumikat sa kabila.” Pero bakit ngayon na nakatikim siya ng rating dahil sa GMA 7 kulang na lang halikan niya pati puwit ng mga boss doon?
