Halikan ng KimJe sa Seoulmeyt tumagal ng 17 minuto, pang-Guinness

TAWANG-TAWA at halos ipatigil na nina Jerald Napoles at Kim Molina ang last scene na halikan ng kanilang pelikulang Seoulmeyt noong premiere night, Martes ng gabi sa SM North Edsa.

Talaga naman kasing agaw-eksena ang halikang iyon na inabot na ang closing credits ng pelikulang pinamahalaan ni Darryl Yap.

Kaya no wonder, nakadagdag iyon para sobrang kilig nina Diwata at  Otlum na nanood sa premiere night dahil inimbitahan sila ni direk Darryl.

 Hindi nga napigilang maalangan si Kim habang pinanonood ang naturang halikan na umabot ng 17-minutes kaya pinatitigil na niya iyon. Panay ang sigaw at tayo nito mula sa kinauupan ng, “tama na po!” sabay ang pagtatakip ng mata.  

May nakapagsabi ngang pang-Guinness ang laplapang iyon ng magkasintahan.

Hindi lang naman ang kissing scene ang ikatutuwa ng mga manonood dahil kapag KimJe tiyak na hahalakhak kayo dagdag pa ang direktor na kuwela ring si Darryl.

Palabas na sa mga sinehan nationwide ang Seoulmeyt na kinunan ang malaking part ng pelikula sa Korea kaya naman dinala nila ang Korean vibes sa SM North cinema para ma-feel din ng mga dumalo sa red carpet premiere night ng movie ang ganda ng naturang lugar. Punompuno ang labas ng sinehan ng beot-kkot o cherry blossoms.