Angeli natakot lumabas nang isangkot sa hiwalayang Dominic-Bea

I-FLEX
ni Jun Nardo

UMALMA na ang sexy star na si Angeli Khang na isinasangkot sa hiwalayan nina Bea Alonzo at Dominic Roque. Inilahad ng Black Rider mainstay kay Nelson Canlas ang sagot niya.

“Fake news po ‘yon. Hindi po. Never ko  rin pong naka-work sina Bea at Dominic and I hope to get to work with them,” sabi ni Angeli.

Hindi rin daw sila magkakilala nang personal ni Dominic.

Eh dahil nga sa bintang na ‘yon, hindi muna lumabas sa bahay ng ilang araw si Angeli dahil kapag lumalabas siya at nakikilala, may nagtataray sa kanya na parang siya talaga ang dahilan ng hiwalayang Bea at Dominic, huh!