HATAW! D'yaryo ng Bayan hatawtabloid.com
HATAWAN
ni Ed de Leon
HAPPY 26th anniversary to Congressman Richard Gomez and Mayor Lucy Torres-Gomez.
Isipin ninyo, 26 years na pala ang nakaraan matapos ang napakasayang kasalan nila noon sa Leyte. At ang nakatutuwa, simula noong magsama sila ay hindi kailanman nabalitang nag-away silang mag-asawa o may hindi napagkasunduan. Masuwerte rin naman sila sa kanilang anak na si Juliana.
Hindi sila gaya ng ibang mag-asawa riyan na pilit mang itago ang problema ay hindi pa rin maiwasan na kung minsan may mga sumisingaw na hindi maganda. Iyang pagpapakasal nina Goma at Lucy ay masasabi nating isa sa pinakamatagumpay na pag-aasawa sa showbusiness. Talagang pinangatawanan naman ni Goma na hindi na siya tumingin sa iba kahit na may nanunukso pa. Mahirap na nga namang makahanap ng kagaya ni Lucy. At sa totoo lang naman sa lahat ng naging syota ni Goma nakalalamang si Lucy. Sa parte naman ni Lucy, si Goma naman yata ang unang nanligaw sa kanya kaya ok lang.
Nakatutuwa iyong mga mag-asawang ganyan, wala kang naririnig na hindi magandang balita, o kahit na anong tsismis. Tapat kasi sila sa isa’t isa at hindi sila plastic. Maganda si Lucy at napakaganda rin naman ni Juliana, suwerte si Goma.
Pogi naman si Goma, at kahit na may nanunukso pa ay pinatunayan niyang faithful siya kay Lucy, at mahal na mahal niya ang kanilang anak, suwerte rin si Lucy.
