Atasha, Andres, Juliana umaarangkada ang mga career

HATAWAN
ni Ed de Leon

UMAARANGKADA ngayon ang anak ng mga artista.

Iyong kambal ni Aga Muhlach na sina Andres at Atasha, nakasama na sa isang fahion show noong Fashion week para sa isang local garment manufacturer at bongga ang performance nila. Angat pa rin sila sa mga ibang professional models na nakasama nila sa fashion show. Tuwang-tuwa naman ang dalawa dahil sa naging pagtanggap sa kanila ng publiko at sa tulong ng kanilang mga nakasama sa una nilang fashion show.

Umarangkada rin naman si Juliana Gomez na nag-uwi ng medalya para sa UAAP Fencing Competition. Si Juliana naman ay hindi na bago sa fencing at ilang ulit na rin siyang naging champion. Iyang panalo niya sa UAAP ay parang karaniwan na lang sa kanya.

Mukhang ang inalat lang ay ang kambal nina Carmina at Zoren, na hindi na nga naka-angat natigbak pa ang noontime show na nasamahan nila. Pero hindi mo naman maaaring sisihin ang magkapatid, iyon ay dahil sa maling diskarte rin ng mga producer ng show at kahambugan ng ibang kasama nila.