HATAW! D'yaryo ng Bayan hatawtabloid.com
HATAWAN
ni Ed de Leon
NAKABABAWI naman daw ngayon si Coco Martin at muling tumaas na naman ang ratings ng kanyang serye. Dapat namang asahan iyon dahil ang kalaban niya ay si Ruru Madrid lang. Wala talaga siyang matibay-tibay na nakakatapat eh.
Pero may mga nagsasabing tagilid pa rin siya dahil nawala na ang kasangga niya sa creative na si Deo Endrinal, na siyang nag-iisip ng maraming mga idea para sa kanilang serye. Sa takbo ng mga usapan mukhang walang makakapalit si Deo sa kanilang serye.
Mapapansin din na nagkaroon sila ng panic nang ilang ulit silang nalampasan ni Ruru, aba malaking kahihiyan nga naman iyon. Para bang sinabi mo na si FPJ ay tinalo ni Berting Labra. Pero nakabawi na naman si Coco, pero ang tanong nga hanggang kailan siya mananatiling ganyan?
