HATAW! D'yaryo ng Bayan hatawtabloid.com
RATED R
ni Rommel Gonzales
HIGHBLOOD na naman malamang ang viewers sa mga plano ni Calvin (Jon Lucas) laban kay Elias (Ruru Madrid). Tiyak titindi na naman ang bugso ng damdamin ng manonood dahil sa mga intense happenings at revelations gabi-gabi sa hit GMA Prime series na Black Rider.
Ngayong nabunyag na ang katotohanan ukol sa pagkatao ni Calvin, lalo pang sumisidhi ang kanyang galit laban kay Elias na nalaman na rin niya ang tunay na pagkatao. Kaya naman, hindi na talaga makalma ang viewers lalo ngayon na pati si Alma (Rio Locsin) na nanay ni Elias ay nadadamay na.
Pero galit at inis man ang pumapaibabaw sa kanila, very positive pa rin ang mga tumatangkilik sa palabas na magtatagumpay si Ruru sa paghihiganti sa Golden Scorpion boys para maisalba ang kanyang minamahal na ina. Ngunit ang tanong, tama nga kaya sila?
