HATAW! D'yaryo ng Bayan hatawtabloid.com
HATAWAN
ni Ed de Leon
MABIGAT ang sinabi ni Eric Quizon na gagayahin niya ang style ng pag-build-up ni German Morenong mga artista.
Si Eric kasi ang namumuno ngayon ng talent center ng isang network at tama siya, walang makakapantay kay Kuya Germs sa pag-build-up ng napakaraming artista na napasikat. Pero baka hindi niya alam kung gaano kahirap din para kay Kuya Germs na magpasikat ng isang artista. Una na nga iyang damit. Basta ang isang tao ay nag-artista, hindi na puwedeng ang isinuot mong damit ay basta-basta na lang. Kailangan iyong maporma pero kung baguhan pa ang isang artista saan siya kukuha ng pambili lalo n kung mamahalin ang damit? Sa ganyang problema, si Kuya Germs na ang bumibili ng damit nila.
Ayaw na ayaw ding masabi ng Mastee Showman na may naghahangad na maging artista na walang karapatan. Habang sinasabihan iyan ng walang karapatan, lalong pinagsisikapan ni Kuya Germs na sila ay pasikatin. Nakatatawa dahil ang marami roon sa sinasabi nilang walang karapatan ay napasokat talaga ni Kuya Germs.
Kung sabihin ni Kuya Germs, ang ginawa niya ay iyong nakagisnan din niyang ginawa nina Doc Perez at Don Jose Zara na mga mentor niya simula pa noong panahon ng Vaudeville sa Clover Theater hanggang sa pelikula.
