Bong tuloy ang pagbibigay-aliw, Beauty puring-puri

LABIS ang pasasalamat ni Sen Ramon “Bong” Revilla. Jr. sa GMA dahil sa season 2 ng Walang Matigas na Pulis sa Matinik na Misis.

Lahad ni Sen Bong, “I’m very thankful sa GMA dahil sa tiwala na ibinigay nila sa akin. At mas pinalaki pa na ‘Walang Matigas na Pulis sa Matinik na Misis’ ang ibinigay nila.”

Bukod dito ay pinuri rin ng senador, na gaganap bilang si Tolome ang akting ng kanyang leading lady na si Beauty Gonzalez na gaganap naman bilang ang asawa niyang si Gloria.

“Sa performance ni Beauty Gonzalez, wala akong masabi. 

“Talagang na-surpass niya ‘yung Season 1. Iyun ‘yung pinakamabigat na challenge for us, to surpass the first one.

“And I think, at sinabi ng mga boss natin sa GMA, na na-surpass natin ‘yung ating Season 1.”

Pinapurihan din ni Sen Bong ang kanyang co-stars sa propesyonalismo at husay sa pag-arte ng mga ito.

“They’re all professionals, they’re all good actors and actresses,” bulalas ni Sen Bong. “Ang gagaling nila. 

“Wala akong reklamo. Pagdating nila sa set, alam nila ‘yung gagawin nila. ‘Yung character nila nandoon na agad, pasok na kaagad sa kanila. They are all professionals.

“Sabi ko nga, iba na ‘yung mga artista talaga ngayon, ang gagaling. I’m very, very happy sa buong cast.”

Eere na ang Walang Matigas na Pulis sa Matinik na Misis Season 2 simula February 4 sa GMA.

Ang iba pang cast nito ay sina Carmi Martin, Raphael Landicho, Ejay Falcon, Nino Muhlach, Liezel Lopez (na lagari sa Asawa Ng Asawa Ko), Maey Bautista, Jestoni Alarcon, Celeste Cortesi, Kelvin Miranda, Nikki Co, Angle Leighton, Herlene Budol, Dennis Padilla, Max Collins at marami pang iba.

ito ay idinidirehe ni Enzo Williams.