Anak ni Pokwang na si Malia napatili sa regalo ng pamilya Dantes 

I-FLEX
ni Jun Nardo

IPINAGMALAKI ni Pokwang ang regalo mula sa pamilya Dantes – Dingdong, Marian, Zia, at Sixto – ang regalong ibinigay nila para sa anak niyang si Malia.

Ipinakita ni Pokie sa kanyang Instagram ang regalo pati na ang unboxing ni Malia. Saad ni Malia, “Thank you very much! I love this gift!” at sabay napatili nang makita ang ilan sa regalo.

Pinasalamatan din ni Pokwang ang mag-asawa na ngayon ay makakasama na niya sa pagbabalik ng Jose and Maria’s Bonggang Villa 2.0.

Samantala, sa isa pang video na inilabas ni Pokies mula sa pagsilang at paglaki ni Malia, kasama niya sa ilang clips ang nanay at kapatid niya.

Pero wala maski isang foto ang tatay niyang si Lee O Brien, huh!