Ria ilang beses nadurog ang puso sa pelikulang Monster 

MATABIL
ni John Fontanilla

KUNG may ilang beses nang napanood ni Ria Atayde ang  pelikulang Monster, na idi-distribute ng kanilang film production, ang Nathan Studios with Lorna Tolentino, kaya ganoon din karami ang pagkadurog ng kanyang puso.

Tsika ni Ria, “Ako this is probably my 4th time watching the movie.

“I mean sobrang nakadudurog ng puso, ‘di ba? And everytime we watched it, parang mas naiintindihan ko pa lalo.

“Parang medyo iba ‘yung story telling niya, compared to what we’re used to see. 

“Kaya I enjoyed watching it kahit paulit-ulit kong pinanonood, iba pa rin ‘yung napi-pick- up ko. 

“Feel ko ‘yung puso and story line, medyo relatable rin eh specially sa ending kasi it talks about society which is very universal,” pahayag pa niya.

Natanong din ito sa kung anong  masasabi niya na may pagka-gay touch ang movie?

“It won one of the queer awards during the Cannes Film Fest so that’s on it’s own. Hindi lang siya inaasahan ng mga tao ‘yung story but  you know a lot of people can relate to it, kung hindi ka katanggap-tanggap ng mundong ginagalawan mo.

“They consider you as a monster, it becomes hard to accept yourself,” ani Ria. 

Mapapanood ang Monsters sa mga sinehan nationwide simula Oct. 11.