Sylvia, Ria, at Lorna napahanga ng Japanese film na Monster

MATABIL
ni John Fontanilla

MAPAPANOOD na sa bansa ngayong Oct. 11 sa mga sinehan nationwide ang Japanese drama film na dudurog sa puso ng maraming Pinoy, ang Monster mula sa mahusay na pagkakadirehe ni Hirokazu Kore-eda at screenplay at panulat ni Yuji Sakamoto at pinagbibidahan ni Sakura Ando.

Ayon kay Sylvia Sanchez ito ang pelikulang dumurog sa kanyang puso bilang ina at dudurog sa puso ng bawat Pinoy na makakapanood ng Monster.

Marami nga ang nagka-interes na ipamahagi sa kani-kanilang bansa ang Monster, pero masaya sina Sylvia, Ria Atayde, at Lorna Tolentino dahil sa Nathan Studios Inc. ipinagkaloob ang pagdi-distribute ng napakagandang pelikula.

Ang Monster ay pinarangalan bilang Best Screenplay and was honored with the Queer Palm at Palme D’Or nominee sa Cannes Film Festival 2023.

Napakaganda ng pelikula, grabe ang twist at madudurog ang puso mo sa ending.

Ilan sa mga artistang close kina Sylvia, Ria, at Lorna na dumalo sa premiere night noonh Oct. 3  sina Jane Oineza. Rk Bagatsing, Ynez Veneracion, Mon Confiado, Juan Carlos Labajo, Alma Concepcion, Isabel Rivas,  Bayani Agbayani, Angel Aquino atbp..

Suportado din sina Sylvia at Ria ng Atayde Family sa pangunguna nina Art Atayde, Gela, at Xavi Atayde  at ng kanilang mga kaibigan.