Papa Dudut parami ng parami ang mga negosyo

MATABIL
ni John Fontanilla

MULA sa pagiging awardwinning DJ at pagkakaroon ng top rating radio program ang Barangay Love Stories ay nagdagdag ng bagong negosyo si Papa Dudut ng Barangay LSFM.

Ilan sa mga nauna nitong negosyo ang Rangsiman Thai Massage, The Brewed Buddies, at J25 Salon. 

Nadagdag naman ang mga negosyong 

Papa Dudut Computer at Papa Dudut Lechon Manok. Bukod pa riyan ang kanyang show sa Youtube na may millions followers and views, ang Papa Dudut Stories Live.

Pero ‘wag mag alala dahil kahit sobrang dami nitong negosyo ay wala naman itong balak iwan ang radyo at magpapatuloy sa paghahatid ng magagandang kuwento ng buhay hangga’t tinatangkilik ng mga Filipino.

At sa tagumpay ni Papa Dudut ay katuwang niya ang napakasipag at magandang asawang si  Jem Angeles.